O Auditorio Municipal de Cedeira será o escenario da presentación do documental “Suso. Fóra de lugar” este domingo, 26 de maio, ás 20h, con entrada de balde ata completar cabida. Esta é a quinta presentación que se fai deste documental, que xa percorreu esta primavera Compostela, Outes, Ribeira e Betanzos. En todas elas o público puido gozar dun coloquio co director Alberto Sacido, e co protagonista do mesmo, Suso de Toro.
Este documental recibiu financiamento para a postprodución da Deputación da Coruña dentro da convocatoria de Proxectos Singulares do 2023, apoiando tamén a xira de presentación deste documental.